MEK ƑE NUFIAFIA ASIEKE LIA AFIKAE NYE BOME, KODZOGBE KPLE TSĨƐƑE? Esiae nye nɔvi aɖe ƒe biabia. BOME nye teƒe si amegbetɔwo dzɔ na tso. (Amedzɔƒe) Eʋeawo xɔe se be hafi ame na dzɔ alo hafi woadzi ɖevi aɖe ɖe xexe sia me la, teƒe aɖee wò tso. Eye teƒe ma enye Bome. Bomenɔ nye ame aɖe si si vidzĩwo sɔgbɔ le fũ eye ne ame aɖe di vi la, Bomenɔ nana vi amea. Eyata ne ŋutsu kple nyɔnu wodo go le gbɔdɔdɔ wɔna me la, efia be wo le Bomenɔ biam be Wòana vi yewo. Bomenɔe nye Mawugã alo Mawu Sodza. KODZOGBE nye teƒe si míe le fifia. Enye anyigba dzi si amewo le. Teƒe si nye kple wò míe le fifia enye Kodzogbe. Agbe sia mee nye Kodzogbe. TSĨƐƑE nye teƒe si amewo yi na ne wodzo alo do le Kodzogbe afii. Ne ame aɖe trɔ megbe alo ku la, teƒe si woɖoa tae la enye Tsĩɛƒe. Afimae nye Aʋlime. Eye teƒe mae mía Tɔgbuiawo (Ancestors) le. Esi wònye be ame siawo zu gbɔgbɔ ta la, dzixɔse le be woawo ya te ŋu kpɔa nu siwo le dzi yim le Kodzogbe afi sia. Ke Kodzogbetɔwo ya mate ŋu akpɔ nu siwo le dzɔdzɔm le Tsĩɛƒe o. Ke ɖe ko Kodzog